1. Ikasleen eskubideak
2. Ikasleen betebeharrak
3. Klaseetara agertzea
4. Disziplina arauak
5. Neurri disziplinarioak
6. Zigorra neurtzeko kontuan hartu beharreko inguruabar
7. Hutsegite larriak edo oso larriak pilatzea
8. DBH 2. Zikloko, Batxilergoko eta Zikloetako ikasleen greba/etenaldi.
9. Erreklamazio eskubidea
10. Kurtsoa gainditzea eta errepikapenak

1.- IKASLEEN ESKUBIDEAK  

• Pertsonek merezi duten errespetua jasotzea.
• Agintedun erakunde eta pertsonek ikasleen eskabideak eta arrazoiak arretaz eta begirunez entzutea.
• Irakasleak klasera orduan agertzea.
• Ebaluaziorako irizpideak eta ikasturte edo eskola-ziklo bakoitzean gainditu beharreko gutxienezko helburuak ezagutzea.
• Ikastetxeak, ahal duen neurrian, ikasleen hezkuntzarako leku eta material egokiak izatea.
• Taldeari dagokion eskolako eta eskolaz kanpoko ekintzetan parte hartzea.
• Gelako ordezkariak hautatzea.
• Euskal Eskola Publikoari buruzko 1/1993 Legean, uztailaren 6ko 201/1993 Dekretuan eta ikastetxe bakoitzeko antolakuntza eta funtzionamendurako araudian ezarritakoarekin bat eginez, ikastetxe publikoetako organo gorenetan parte hartzea.
• Ordezkaria izatea zuzendaritzak nahiz irakasle klaustroak hala izatea egoki iritzitako bilkuretan.
• DBHOko ordezkariek ebaluazio bakoitzeko bost eskola-ordu erabil ditzaketa beraien zeregin eta antolaketarako.
• Kalitatezko Hezkuntza integrala eta berdintzailea jasotzea.. Gora

---

2.- IKASLEEN BETEBEHARRAK 

• Ikaskideak, irakasleak eta gainontzeko langileak (idazkariak, zaintzailea, garbitzaileak,...) errespetuz tratatzea.
• Ikastetxeko hezkuntza-proiektua errespetatzea.Ideario propioa sortzekotan, zentroaren legeen arabera jokatzea.
• Ikastetxeko antolakuntzarako eta funtzionamendurako araudia edo barne jardunbiderako araudia betetzea.
• Ikaslearen zereginak betetzea emaitza egokiak lortzeko.
• Klasera joatea, eskola-egutegian erabakitako ekintzetan parte hartzea eta jarritako ordutegiak errespetatzea. Ez joateak edota berandu iristeak justifikatu egin behar dira.
• Eskolako materialak, altzariak  eta instalazioak zaintzea.
• Ikastetxeko guneen erabilera egokia egitea (komunak, eskailerak, patioak, kirol-guneak...)

 -   Bere materialaren ardura hartzea eta gela uzten duen bakoitzean dagokion lekura jasotzea.

• Ikastetxeko eta, bereziki, norberaren gelako garbitasuna eta txukuntasuna gordetzea. Zerbait zikintzen, margotzen edo puskatzen duen ikasleak garbitu edota ordaindu egin  beharko ditu berak sortutako kalteak.
• Klase orduetan pasabideetan edo atarian ez ibiltzea.
• Ikastetxe barruan ez erretzea
• Iragarki  taulako oharrak irakurtzea.
• DBHko ikasleek eskola orduetan, jolasorduetan eta bazkalondoan ikastetxetik baimenik gabe ez irtetea.
• Ikasturtearen lehenengo hamabostaldian taldeko ordezkarien hautaketak egitea Orientatzailearen eta Tutorearen laguntzaz. Beti ere, ikasle-ordezkariaren betebeharrak azaldu ondoren. Gora

---

3.- KLASEETARA AGERTZEA 

• Klasera agertzea ikasleen eskubide eta betebeharra izanik, guraso edo tutore legalek derrigorrez justifikatu behar dituzte huts egiteak.
• Bai guraso, bai sendagile- agiriaren bitartez justifika ditzakete huts egiteak. Azterketen kasuan, nahitaezkoa da sendagilearen agiria. Bestela, ikasleak beste egun batean azterketa egiteko aukera galduko du.
• Askotan falta den ikasleari ez zaio klasera etortzeko eskubiderik kenduko.
• Edozein arrazoi dela eta, inoiz klasean ikasle gutxi bada ere, irakasleek normaltasunez emango dituzte klaseak.
• Irakasleek ikasleen huts egiteak kontrolatu eta tutoreei horien berri eman behar diete.
• Tutoreak justifikatu gabeko huts egiteei buruz hitz egingo du ikaslearekin eta, faltak pilatu ahala, honen berri gurasoei emango die, ekar ditzakeen ondorioak jakinarazteko.
• DBH eta Batxilergoan:
  • Klasera ez joatea hutsegite arina da.
  • Bost aldiz gertatzen denean, hutsegite larri bihurtuko da.
  • Kurtsoan zehar bost hutsegite larri izatea hutsegite oso larri bihurtuko da.

Zikloetan: Ebaluazio bakoitzeko %10 justifikatugabeko hutsegite dituen ikaslea ez da ebaluatuko hutsak dituen ikasgaian.

Bonba abisuak edo antzeko arrazoiren batek galerazitako ikastorduak arratsaldez errekuperatuko dira. Gora

---

4.-DISZIPLINA ARAUAK 

• Ikasleek irakasle eta ikaskideak errespetatzea. Besteak beste, azalpenak arretaz entzunez eta eskola materiala eta altzariak zainduz.
  
  Ikasleak aurreko araua hautsiz gero, irakasleak klasetik kanpora dezake; ondoren guraso eta tutoreei horren berri emango die. Gelatik kanporatua izatea hutsegite larri da.
  
  
•  DBH: lanak ez egitea edo beharrezko materiala ez ekartzea hutsegite arina da; bost aldiz gertatzen denean hutsegite larri bihurtuko da.
• Zaintza orduetan ezin da gelatik irten. Arau hau haustea hutsegite arina da. Zaintza orduetan, falta den irakasleak lanik ez badu utzi, zaintza egiten duenak bere irakasgaia eman dezake.
• Ordukotasuna: Klaseetara berandu iristea hutsegite arina da.
• Ikasleek, nahitaez, beraiei dagozkien ateak (sarrera nagusiak), erabili behar dituzte.                  Debekatuta dute gainontzeko guneetatik ibiltzea. Araua haustea hutsegite arina da.
  
  
  
• Lapurreta: hutsegite oso larri da. Lapurtutakoa bueltatzea ezinbesteko baldintza da. Ezin bada, egileak ordaindu beharko du; egilea ezezaguna balitz eta lapurtutakoa berreskuratzen ez bada, ikastaldeko ikasle guztien artean ordainduko lukete.
• Honez gain, hutsegite oso larriaren kasuetarako araudi honetan ezarritako neurri disziplinarioak jarriko zaizkio, egileari edo dagokion talde osoari.
  -    Ikastetxeko lokaletan, materialetan, agirietan edo eskola-elkarteko gainerako kideenak diren     gauzetan intenzioz egindako kalteak hutsegite oso larri da. Egilea ezezaguna balitz, neurri disziplinarioak dagokion talde osoari ezarriko litzaizkioke.
  -    Ikastetxeko ekintzen ohizko garapena aldatzen duten taldeko jardun justifikaziorik gabekoak.
  hutsegite larri da.
  Ohartarazpena, bertan tutorearen zehaztutako informe bat sartuko da eta, behar dadinean, ikasgaiko irakaslearena.

---

5. NEURRI DISZIPLINARIOAK

Bost hutsegite arina hutsegite larri da. Hutsegite larrien kasuetarako har daitekeen neurri disziplinarioa:

1. DBH: 3 hutsegite larri dituen ikasleari hiruhilabetean zehar antolatutako irteeretako batera joatea debekatzea.

Kurtsoan zehar bost hutsegite larri izatea hutsegite oso larri da. Hutsegite oso larriaren aurrean bateragarriak diren ondorengo neurri hauek hartu ahal izango dira:

1. Ikastetxetik kanporatzea, egun batetik zazpira bitartekoa aldi batean (adina eta inplikazio mailaren arabera).
2. Ikastetxeko jardunen hobekuntza eta garapena lagunduko duten lanak egitea. Lan hauek ikastorduetatik kanpo burutuko lirateke irakasleren bat arduradun izanik.
3. Egileak sortutako kalte materialak konpontzera lagunduko duten lanak egin eta konponketa horren ondorioztatzen diren gastuak ordaindu beharko lituzke.
4. Hiruhilabetean zehar antolatutako irteeretako batera joateko eskubidea kentzea.
5. Ikaslea ikasorduetatik kanpo ikastetxean gelditzea pendiente dituen lanak egiteko irakasleren bat arduradun izanik.

Aipatutako neurriak bateragarriak dira, hau da, kasu bakoitzaren arabera hirurak batera ezarri daitezke.| Gora

---

6. ZIGORRA NEURTZEKO KONTUAN HARTU BEHARREKO INGURUABAR

Inguruabar aringarritzat hauek hartuko dira:

• Besterik gabe berez aitortzea hutsegitea.
• Lehenagotik zigortua ez izatea.
• Materialari, lokalei, agiriei edo kideenak diren gauzei kalteak egin zaizkienean,    espedientea ireki aurretik kalte horiek konpontzea ikastorduetatik kanpo.
• Irainen, laidoen eta ikastetxeko jardunen garapenaren aldaketaren kasuan, publikoki barkamena eskatzera.
• Sortutako bezain handia den kalterik sortzea nahi ez izatea.

Inguruabar astungarriak:

• Adin txikiagoaren, minusbaliotasunaren edo ikastetxera duela gutxi sartu denaren egoeran daudenen aurka egiten denean.
• Intenzioz izan denean.
• Premeditazioa edo aurreakordioa egon denean.
• Taldeko hutsegitera bultzatu edo laguntzea.
• Ordezkatze kargutaz baliatzea arau-hausterako.

Zigorraren maila igotzeko edo gutxitzeko inguruabar aringarri edo astungarriak egotea kontuan hartuko da. | Gora

---

7. HUTSEGITE LARRIAK EDO OSO LARRIAK PILATZEA

• Zikloko irakasleek erabakiko dute azken bidaiara eramatea edo ez urtean zehar disziplina arazoak (hutsegite larriak / oso larriak) izan dituen ikaslea.
• Oso larritzat har daitezkeen jokabideak Zuzendaritzak eta Ebaluazio Batzordeak aztertuko ditu, eta, hala juzkatuz gero, OOGri azalduko lizkioke (Legearen arabera, OOGk edozein zigor ezartzeko ahalmena du).
• Ikasle berak hiru hutsegite oso larri edo gehiago eginez gero, Zuzendaritzak eta Ebaluazio      Batzordeak ikasleari Legeak markatutako zigorra ezarriko dio, eta OOGri honen berri emango dio. Zigorra EHAAn ezarritako bat izango da:
  
  - Dagokion ikasturteko amaiera arteraino geratzen zaion aldia baino luzeagoa ez den aldi batean zehar, ikastetxean ikasketak egiteko desgaitzea, beti ere, ikasturteko guztizko ebaluazioa bermatuz.
  
  - Derrigorrezko eskolatzeko adina (16 urte) bete ondoren, ikastetxean jarraitzeko debekua.
  
  - Ikastetxean ikasketak egiteko behin-betiko desgaiketa.

---

8. DBH 2. ZIKLOKO, BATXILERGOKO ETA ZIKLOETAKO IKASLEEN GREBA/ETENALDI.

Eskaeraren erregulazioa

Greba/etenaldia egunean goizeko lehenengo orduan

• Delegatuek zuzendaritzakoei deialdi ofiziala (egunkarikoa edo alderdi politikoa, sindikatu edo talde deitzailekoa) eman eta biltzeko baimena eskatu behar diete.
• Klasera ez joateko proposamena, behar bezala arrazoinatua, idatziz egin behar denez, zuzendaritzakoek inprimakia emango diete.
• Greba/etenaldia antolaketan, gelakideei emango dieten informazioan, etab. beraien artean ados jartzeko, delegatuak ordu horretan bildu daitezke

Bigarren orduan:

• Dagokion irakasleari baimena eskatu ondoren, delegatuek bere gelakideei deialdiari buruzko informazio zehatza emango diete eta gela bakoitzean bozketa egingo da.
       *Bozketan parte hartzen dutenek, nahiz eta zuriz botatu, gehienen botoa onartuko dute.
       *Deialdian parte hartu nahi ez dutenek ez dute bozketan parte hartuko eta bozketa hasi baino lehen  ikasgelan geldituko direla adierazi behar diete delegatuei.
  
  
• Delegatuek emandako inprimakiaren atal guztiak beteko dituzte:
  
  beraien izenak eta sinadurak eta egindako botuketen akta:
  
  -   ikasleen kopurua, bileran egon direnena
  -   baiezko botoak, ezezkoa, abstenzioak
  - botazioaren emaitza, klasera ez joateko proposamena onartzen den edo ezezten den adieraziz
  - onartzen bada, parte hartuko ez dutenen kopurua eta izenak.
  - greba/etenaldia nork konbokatzen duen, arrazoiak eta iraupena.
  
  
• Delegatuek zuzendaritzakoei inprimakia emango diete
  
  
  Kontuan hartu beharreko arauak:
• Klasera ez joateko deiari erantzun nahi ez diotenei, ikasgaietakoak diren lanak eginez ikasgelan egoteko eskubidea bermatuko zaie.
• Greba edo etenaldia egonda ere, egun horretarako finkatutako azterketak errespetatuko dira.
• Klasera ez joatea, auureko atalean ezarritako eginkizunak betetzen direnean, ez da hutsegite izango.
• DBHko ikasleek ezin dute ikastetxeko eremutik irten. Antolatutako ekintzak ikastexeko eremuaren barruan burutuko dira zaintzan daudenak eta zuzendaritzakoak zaintzaileak izanik.
• Ikastetxeko eremutik kanpo burutzen den deialdiarekin zerikusi duen ekintzaren batean parte hartu nahi badute (manifestazio, konzentrazio, hitzaldi...), DBHko ikasleek gurasoen baimena izan behar dute.

---

9. NOTEN ERREKLAMAZIO ESKUBIDEA.

• Erreklamazioa egiteko epea notak agertzen direnetik 24 ordukoa izango da.
• Ikasleak, irakasleak zuzendu eta nota jarri ondoren, bere notetan eragina duten azterketa edota beste edozein proba idatzi ikusteko eskubidea du.
• Lehenengo erreklamazioa dagokion irakasleari egin behar zaio.
• Ondoren, irakaslearekin bat etorriko ez balitz, tutoreari erreklamatuko dio. Tutoreak eskakizunaren berri emango die dagokion Mintegi Buruari eta Ikasketa Buruari.
• Hala ere, ados ez balego, ikasleak Zuzendaritzara jo lezake idazki baten bidez.
• Eta azkenik, ikasleak bere horretan segituko balu, Zuzendariaren bitartez Ikuskaritzara jotzea izango luke. | Gora

---

10. KURTSO GAINDITZEAK ETA ERREPIKAPENAK

• DBH
  • Kurtsoz igarotzeko ezin dira suspenditubi ikasgai baino gehiago
    
• BATXILERGOAK
  • - Lehen kurtsoan bi ikasgai baino gehiago gainditu gabe dituzten ikasleek, ikasturte osoa errepikatu behar dute eta bi ikasgai edo gutxiago dituztenek, aurrera egin dezakete.
  • - Bigarren kurtsoan, hiru ikasgai baino gehiago gainditu gabe dituztenek ikasturte osoa errepikatuko dute eta hiru edo gutxiago dituztenek, horiexek besterik ez; hala ere, selektibitatera aurkeztu nahi dutenek ikasgai guztietara joateko aukera izango dute (entzule gisa).
    
     
• ZIKLOAK
  
• 2.000 ORDUKOAK
  • Bat,bi edo hiru modulu gainditu gabe dituena bigarren kurtsora pasa daiteke, baldin eta modulu horien urteko oinarrizko iraupenaren batura 275 ordu baino gutxiagokoa bada.
• 1.400 ORDUKOAK
  • - Modulu bat gainditu gabe duena bigarren kurtsora pasa daiteke, baldin eta modulu horren urteko oinarrizko iraupena 200 ordu baino gutxiagokoa bada. Gora