1980ko martxoan, Mutrikuko eskolagunean, 3.820m2ko lur-eremuaren gainean Lanbide heziketako Ikastetxea eraikitzen hasi zen. Hasieran, 5 solairu zituen eta 360 ikasle hartzeko adina zen.

1989an, LH IIko tailerrak ezarri ahal izateko, azpisolairu bat zabaldu egin zen. Ondoren, laborategiak eta ikasgelak erdibitu egin ziren ikasle guztiak hartu ahal izateko.

Gaur egun, eraikuntza berri bat dugu lehengoari erantsia, teknologia-behar berrientzako ikasgela aproposak edukitzeko asmoz.

Mutrikuko Bigarren Hezkuntzako Institutua 1982-83 ikasturtean sortu zen, udal hitzarmen bati esker, Debako LHIko Institutuaren (Eibarko Armeria Eskolako Adarra) eta Mutrikuko LHIko Institutu pribatuaren bat egitean oinarrituz.

Hasiera batean, LHIko ikastetxe moduan funtzionatu zuen, eta Mutrikukoak ez ezik, Itziar, Deba eta Ondarroako ikasleak ere jasotzen zituen, gehienak euskaldunak.

1983-85 urteetan zehar LHIIren ezarpena gauzatu zen LHIetik datozen espezialitateekin (Administraritza-Merkataritza, Elektrizitate-Elektronika eta Metalgintza-Mekanika).

Bitarte honetan, eta 1984-85 ikasturterako, Ikasketa Ertainetako Erreformara egokitzeko prozesua hasi zen (IEE-I eta IEE-II). Geroago, 97-98 ikasturtean, Hezkuntza Sailak Deba Beherako diseinatutako eskola-maparen araberako ikasketa-egokitzapena burutu zen. Horrela, Bigarren Hezkuntzan DBH eta DBHO ezarri ziren eta LHren ordez Heziketa Zikloak ezarri ziren: Goi Mailakoak (Administraritza-Finantzak eta Elektrizitate-Elektronika) eta Erdi Mailakoa (Merkataritza).

MUTRIKUKO INSTITUTUKO BESTE ZERBITZUAK

2004-2005 Ikasturtean Akuakultura Hazkuntza deituriko Goi Mailako Zikloa ipini da martxan.

(Kontsultak: Asteazkenean 9-11 tara, aurrez deituz)