Aduraduna: Imanol Alberdi

Justifikazioa

Gure Institutuan bizikidetza proiektuaren beharraz gero eta kontzienteago gara. Ez alferrik, ikastetxearen azken urteetako ibilbideak berak horretara bultzatzen gaituela esan daiteke. Hona horretarako arrazoi batzuk:

• Kalitate proiektua: urte batzutatik hona indarrean duguna. Honi lotuta, elkarbizitza-programak hezkuntza-kalitatearen  zutabeetako bat izan beharko luke.
• Barne-arautegia: argitaratzear dagoen ikasleen eskubide eta betebeharren dekretu berrira egokitu behar dugu. Arautegia berraztertzea da proiektuaren egiteko garrantzitsuenetakoa.
• Orokorrean, arazo gehiegirik gabeko institutua izan arren,  irakasleen lanaren zailtasuna hazten doa: etorkinak direla, errepikatzaileak direla, etab. Egoera hauek ekar ditzaketen prebentzio- edota konponbide-lana funtsezkoa da.

Hona, beste hitz batzuetan, honek guztiak azaleratzen dizkigun beharrak:

• Gatazken prebentzio programa sustatu beharra, lehendik dauden neurriak doituz eta egokituz. Gatazka gune eta iturri ohikoenak identifikatu eta tratatu beharra.
• Indarkeria kasuei aurre egiteko plangintza eta protokoloak egokitu beharra
• Barne-arautegia berrikusi beharra.
• Honetan guztian, gure hezkuntza komunitatea osatzen duten estamentu guztien partaidetza eta inplikazioaren beharra.

Deskripzioa
Bizikidetza proiektua arestian aipatutako premia horien ondorio da. Bere funtsa zera da: ikastetxean lanerako, ikasteko eta lagunarterako giro egokia sustatzeko markoa eskaintzea.

Hau abian jartzeko bi talde sortuko dira: alde batetik, Bizikidetza Batzordea (irakasle multzo batek osatua, proiektuaren plangintza egingo duena); beste aldetik, Bizikidetza Behatokia (ikastetxeko estamentu guztiez ordezkatua, plangintza onartu eta bere jarraipena eta aholku-lana burutuko duena).
Proiektuaren plana honako faseotan banatuko da: sentsibilizazioa; diagnosia eta ondorioak; planifikazioa (helburuak zehaztu, ekintzak proposatu eta burutzen saiatu); eta, azkenik, ebaluazioa.

Partaideak

• Bizikidetza Batzordea

• Lukas Rodriguez: zuzendaria.
• Fatima Baskaran: orientatzailea.
• Nerea Etxano: DBH 1. zikloko irakaslea eta zuzendaritzako ordezkaria.
• Ana Zabaleta: DBH 2. zikloko eta Batxilergoko irakaslea.
• Imanol Alberdi: DBH 2. zikloko eta Batxilergoko irakaslea, eta Proiektuaren koordinatzailea.
  
  

• Bizikidetza Behatokia (osatzeko dago).
• Eskola-estamentuetako nornahi: estamentuetako bileretan, hitzaldietan, proposamenetan, ekintza edota jardunaldi jakinetan, esperientzia trukean...
• Udala: behintzat, proiektuaren jakinaren gainean egongo da eta parte hartzeko gonbitea egingo zaio.

Bilerak

• Bizikidetza Batzordea: asteartero 12:00etan
• Bizikidetza Behatokia: hiruhilabetean behin, gutxienez (beharbada, maizago).

Helburuak:

Urteko helburu orokorrak bi dira:

• Bizikidetzaren Behatokia sortzea
• Bizikidetza Plana egitea

Helburu zehatzak honakoak:

• Bizikidetza Behatokiaren kasuan:
  • Proiektua estamentu guztiei aurkeztu eta azaltzea
  • Koordinazio taldea sortzea
  • Denon parte hartzea sustatzea
  • Funtzioak zehaztea
  • Bere lana aurten abian jartzea
• Bizikidetza Planaren kasuan:
  • Bizikidetza  Batzordea sortzea
  • Eskola komunitatea sentsibilizatzea
  • Diagnostikoa egitea
  • Plangintza osatu eta abian jartzea
  • Prozesuaren ebaluazioa egitea

Ekintzak eta tenporalizazioa

Helburu bakoitzaren harira, hainbat ekintza proposatzen dira.

• Behatokiari dagokionez:
  • Proiektuaren aurkezpena: irakasleei klaustroan, ikasleei tutoretza saioetan, gurasoei Eskola Kontseiluan eta bestelako pertsonalari bilera batean. → ikasturte hasieran
  • Koordinazio taldearen sorrera: eskola kontseiluaren bitartez, estamentu guztietako partaideen ordezkaritzarekin (bakoitzetik bina-edo). → ikasturte hasieran
  • Parte hartzearen sustapena: Behatokian estamentu guztiak ordezkatuta egongo dira. Hortaz, guztion bilgune eta tresna eraginkor bihurtu nahi da: eztabaidagune, aholkugune... →  ikasturte hasieran
  • Propio Behatokia sortu. →  ikasturte hasieran
  • Funtzioen zehaztapena: bizikidetza plangintza adostu, onetsi eta jarraipena egin, estamentu guztien proposamenak jaso eta bideratuz. →  ikasturtean zehar
• Batzordeari dagokionez:
  • Batzordea sortzea: lauzpabost irakaslek osatua: irakasmaila desberdinetakoak, zuzendaritzaren ordezkariren bat eta orientatzailea. → egina
  • Sentsibilizazioa:
    • Esparru teoriko komuna adostu: zer da bizikidetza? zer gatazka?... → 1. hiruhilabetean eta ikasturtean zehar
    • Hausnarketarako tresnak eskaini: esperientziak, dokumentuak, txostenak... → ikasturtean zehar
    • Adituren bat ekarri. → ikasturtean zehar
    • Udaleko arduradunari planaren berri eskaini eta aportazioak eskatu. → planaren zirriborroa egindakoan
  • Diagnostikoa:
    • Diagnostikoa burutzeko tresnak sortu eta erabili; estamentuka: →1. hiruhilabetean
      • Irakasleekin: iazko Bizikidetzako ikastaroko emaitzez baliatu.
      • Ikasleekin: galde-sorta edo inkesta.
      • Gurasoekin: Arartekoak egindako ikerketaz baliatu.
      • AZP: galde-sorta.
    • Ondorioak atera: egonezin eta gatazken kausak identifikatu. →1. hiruhilabetean
  • Plangintza:
    • Behatokiaren bilerak planifikatu. → ikasturte hasieran
    • Estamentuka egin behar diren lan-bilerak planifikatu. → ikasturte hasieran
    • Gatazka-kausen identifikazioa helburuak finkatzeko baliatu. → diagnostikoaren ondoren
    • Urteko helburuak zehaztu eta hauen artetik lehentasunak markatu. → diagnostikoaren ondoren
    • Barne-araudia berrikusi. → 2. hiruhilabetetik aurrera
    • Ikasleen eskubide eta betebeharren dekretu berria araudian integratu. → ikastetxera iritsi ahala
    • Prebentzio eta konponbide estrategiak eskaini. → ikasturtean zehar
    • Esperientzia trukaketak, hitzaldiak, etab.eskaini. → ikasturtean zehar
  • Ebaluazioa:
    • Helburuak: → ikasturte amaieran
      • Helburuen egokitasuna eta bideragarritasuna konprobatu.
      • Helburuen betetze maila neurtu.
      • Hauen egokitzapena proposatu.
      • Datorren ikasturterako lehentasunak markatu.
    • Ekintzak: → bakoitza burutu ahala eta ikasturte amaieran
      • Lan-bileren betetze maila neurtu.
      • Ekintzen egokitasuna eta bideragarritasuna konprobatu.
      • Ekintzen betetze maila neurtu.
      • Datorren ikasturterako hauen egokitzapena proposatu
    • Memoria egin. → ikasturte amaieran

1. Baliabideak

• Berritzegunea: aholkulariak eta hileroko mintegiak.
• Koordinatzaileen prestakuntza jardunaldiak (Lasarteko Berritzegunean).
• Beste ikastetxeetako esperientziak.
• Adituen txostenak, dokumentazioa, etab. (GEUZ taldea...)
• Adituen hitzaldiak (zehazteko).
• Web guneak eta blogak:
  • www.elkarrekin.org
  • http://bizikidetza-convivencia.blogspot.com (ikasleentzat).
• Ikastetxeko Barne-Arautegia.
• Ikasleen eskubide eta betebeharren dekretu berria.
• Bullyng kasuetarako protokoloa.
• “A moduluko” ikastaroko ondorio-txostena (Berritzegunekoa).
• Arartekoaren ikerketaren ondorio-txostena (2005-06?).
• Inkesta eta galde-sortak (batik bat ikasleentzako).
• Eskola-estamentu desberdinetako kideek eskain dezaketen edozer.