Erro karratua

Kalkulagailuak eta ordenagailuak agertu aurretik, hainbat prozedura lantzen ziren kalkulu konplikatuak egiteko; adibidez, zein berretzaile jarri behar zaio 10 berrekizunari berredura 50 izateko? Edo, zelan lortu 3, 4 eta 5 neurriko aldeak dituen triangeluaren angeluak?

 

Prozedura gehienen oinarrian algoritmoak zeuden, hau da, mekanikoki egiten diren urrats ordenatuak (algoritmo horiek edo antzekoak erabiltzen dituzte gaurko kalkulagailuek).

 

 

Sentitzen dugu, baina GeoGebraren appleta ezin da abiarazi. Mesedez, egiaztatu zure nabigatzailean instalatuta eta aktibatuta daukazula Javaren 1.4.2 bertsioa edo berriagoa. (Egin klik hemen Java oraintxe instalatzeko.)

 

Galderak

  1. Mugitu irristailu handia, karratuaren azalerari dagokiona, 400 zenbakia adierazi arte (lagundu + eta – teklekin saguari). Zein da 400en erro karratua, edo, gauza bera dena, zenbat neurtzen du karratu horren aldeak? Egiaztatu irristailu txikietatik goren dagoena eskuin muturreraino eramanez. Karratu urdina eraikiko da, aurkitu daitekeen hamarrekorik handienari dagokiona. Aplikazioak errotzat "erro kalkulatua" 20 zenbakia ematen du. Ba al dago errorerik emaitzean?

  2. Mugitu irristailu handia 121 zenbakia lortu arte. Karratuak, orain, 121 unitateko azalera du. Oraingoan, aldearen neurritzat aurkitu daitekeen hamarrekorik handienak (10) ez du karratu osoa betetzen. Mugitu hurrengo irristailua unitateak gehitzeko hamarrekoari. Aplikazioak errotzat "erro kalkulatua" 11 zenbakia ematen du. Ba al dago errorerik emaitza horretan?

  3. Begiratu kalkulu aljebraikoari. Bila gabiltzan erroa "r" letrarekin adierazten da. Badakigu 10en eta 20ren artean dagoela; beraz, "r" erroa "10+x" izango da, non x-ren bidez falta diren unitateak adierazten diren. Kalkuluak eginda ondorio honetara iristen gara, x zenbakiak (20 + x) x = 21 baldintza bete behar duela. Eta erraza da hori haztamuka aurkitzea. Zenbat balio du x-k?

  4. Begiratu irudiari. Bi karratu urdinen aldeak 10 eta x dira, hurrenez hurren. 100 + 10x + x2 = 121 adierazpeneko batugaietatik zein dira horizko laukizuzen bidez adierazitakoak?

  5. Mugitu irristailu handia 625 lortu arte. Karratuak, orain, 625 unitateko azalera du. Oraingoan, aldearen neurritzat aurkitu daitekeen hamarrekorik handienak (20) ez du karratu osoa betetzen. Aplikazioak errotzat "erro kalkulatua" 25 zenbakia ematen du. Ba al dago errorerik emaitza horretan?

  6. Begiratu kalkulu aljebraikoari. Bila gabiltzan erroa "r" letrarekin adierazten da. Badakigu 20ren eta 30en artean dagoela; beraz, "r" erroa "20 + x" izango da, non x-ren bidez falta diren unitateak adierazten diren. Kalkuluak eginda, ondorio honetara iristen gara: x zenbakiak (40+ x)x = 225 baldintza bete behar duela. Eta erraza da hori haztamuka aurkitzea. Zenbat balio du x-k?

  7. Mugitu irristailu handia 895 lortu arte. Ostera ere, aurkitu daitekeen hamarrekorik handienak (20) ez du karratu osoa betetzen. Segi hurbilketa egiten, karratuak gehituz beste irristailuekin (unitateak, hamarrenak, ehunenak eta milarenak). Urrats bakoitzean, prozesua errepikatu egiten da (teorian, mugagabeki). Aplikazioak errotzat "erro kalkulatua" 29.916 ematen du. Ba al dago errorerik emaitzean?

  8. Begiratu kalkulu aljebraikoari. Badakigu 20ren eta 30en artean dagoela; beraz, "r" erroa "20 + x" izango da, non x-ren bidez falta diren unitateak adierazten diren. Kalkuluak eginda, x zenbakiak (40 + x)x = 495 baldintza bete behar du. Haztamuka, ikusten dugu x = 9 hurbiltzen dela, baina ez da heltzen. Zenbateko azalera falta zaio betetzeko? Hurrengo urratsean, hortik abiatuko ginateke (29 + y)2 = 895 hamarrenak aurkitzeko, eta horrela aurrerantzean.

 

 

 

 

 








 HASIERA    Creative Commons License José Luiz Álvarez Garcíak eta Rafael Losada Listek egindako eraikuntza.