Bi lagunentzako joko bat da. Jokalari batek bi
fitxa urdin ditu, eta besteak, bi fitxa gorri. Fitxa horiek laukitxoz
osatutako bi errenkada dituen taula baten muturretan jartzen dira. Ikus irudia. Txandaka, jokalari bakoitzak errenkada bateko
fitxa aurrera edo atzera mugituko du. Jokalari bakoitzak laukitxo bat edo
gehiago mugi dezake, baina ezin da beste jokalariaren fitxa gainetik pasa,
ezta errenkadaz aldatu ere. Aurkariaren bi fitxak blokeatzen dituenak irabaziko
du; hau da, aurkariak, bere txandan, fitxak ezin baditu mugitu. Joko hau ez da zoriz irabazten; joko hau estrategia
hutsezko jokoa da. Jokalari batek jokaldi egokia –irabazteko
jokaldia– egiten badu, beti irabaziko du: mugimendu
bakoitzean, jokaldi bakarra dago irabazteko, eta jokaldi hori besteak eginiko
aurreko mugimenduak baldintzatzen du. Gure helburua da irabazteko estrategia
aurkitzea. |
Galderak 1. Joka itzazue partida batzuk, jolasean trebatzeko. Joko
bakoitzaren hasieran zehaztu nor hasiko den. 2. Jarraitu jokatzen, baina orain jokatu arreta handiagoz.
Ez ahaztu helburua dela irabazteko estrategia aurkitzea, eta ezin dela parra egin:
behin eta berriro jokaldi berdinak egiten badira, adierazi nahi du bietako
batek irabazteko jokaldi egokia ez duela egiten. 3. Ondorio batzuk aterako ditugu. Ba al dute loturarik
partida hasteak eta irabazle izateak? Beste jokalariak fitxa bat aurreratu
badu, zer egin behar dut nire txandan? Eta besteak atzera egiten badu? 4. Kokatu irudiko Aldatu
gailua 8 laukitxoan. Aldatu al da irabazteko estrategia? Egiaztatzeko,
jokatu partida batzuk. |