Igelak eta apoak bakar-joko
ezaguna da. Izen gehiago ere baditu, hala nola: tokiz aldatu, ardiak
eta ahuntzak, erbiak eta dortokak, igelaren saltoa,...Helburua
da igelen eta apoen posizioak elkarrekin trukatzea, arau batzuei jarraituta,
eta ahalik eta mugimendu gutxien eginda. Hauek dira jokoaren arauak: ·
Igelak –kolore berde
argikoak– beti eskuinerantz mugitzen dira, eta apoak – kolore berde ilunekoak
–, ezkerrerantz. ·
Apoa eta igela ezin dira
laukitxo berean egon. ·
Bi mugimendu mota egin
daitezke: igel bat edo apo bat arrastaka eraman aldemeneko laukitxo batera,
hutsik badago, edo beste fitxa baten gainetik salto egin –igelak salto egin
dezake apoaren gainetik eta apoak igelaren gainetik–, beti ere laukitxoa
hutsik badago. Saiatuko gara aurkitzen sekuentzia bat; horretan,
igelak eta apoak elkarrekin trukatzeko egin beharreko mugimendu-kopuru
txikiena lortu beharko dugu. Igelak mugitzeko, tira mihitik; apoak mugitzeko,
tripatik. |
Galderak 1. Egoera errazenetik hasiko
gara : taulak hiru laukitxo ditu, igel bat ezkerrean dago, eta apoa eskuinean. Aipatutako arauei
jarraituz, igelaren eta apoaren posizioak elkarrekin trukatu behar dituzu.
Zenbat mugimendu egin behar dituzu? 2. Hautatu 2 igel eta 2 apo, aldatu gailua erabiliz. Zenbat
mugimendu egin behar dituzu? Ba al duzu mugimendu gutxiagorekin egiterik? 3. Hautatu 3 igel eta 3 apo, aldatu gailua erabiliz. Oraingo
honetan erronka zailagoa da, baina aurrekoaren ereduari jarraitzen badiozu,
lortuko duzu. Zenbat mugimendu egin behar izan dituzu posizioak elkarrekin trukatzeko?
Ba al duzu mugimendu gutxiagorekin egiterik? |