2 jokalarirentzako jokoa da. Jokalari bakoitzak ibaiko ertzetariko bat aukeratu behar du. Jokoa hasi aurretik, 1etik 12ra zenbakituta dauden gelaxketan kokatu behar ditugu figurak. Gelaxka berean figura bat baino gehiago koka daiteke, eta gelaxka hutsik egon daiteke.

Dadoak bata bestearen ondoren jaurtitzen dira (godaleta mugituz). Jaurtiketa bakoitzaren ostean, lortutako puntuak batuko dira. Jokalari baten figura batuketaren emaitzarekin bat datorren gelaxkan badago, figura horrek ibaia zeharkatu dezake: beste ertzera igaroko da. Lortutako batuketarekin bat datorren gelaxkan figura bat baino gehiago baldin badago, figura batek bakarrik zeharkatu dezake ibaia.

Bere figura guztiak ibaiertzez aldatzea lortzen duen lehen jokalaria izango da jokoaren irabazlea.

Klikatu irudia
argibideak ikusteko.

Galderak

1. Bi jokalariek figurak eremu bakoitzeko gelaxketan banatu bezain pronto, jokoa hasi aurretik, idatzi koadernoan zuek eta zuen arerioak aukeratutako banaketak.. Ideiarik, irizpiderik jarraitu al duzu figurak kokatzerakoan? Zein? Jarraian,  hasi jokoa..

2. Hasi partida. dadoak behin eta berriz jaurti, eta koadernoan lortutako batuketak idatziko ditugu. Mugitu figurak edo ez, dagokionaren arabera. Partida bukatzean, irabazlea nor den idatziko dugu. Uste al duzu figurak banatzeko erak partidaren emaitzan eragin dezakeela?

3. Errepikatu prozesua beste zenbaitetan. Partida bakoitzean, aurreko atalean adierazitako oharrak egin behar dira.. Partida beti irabaztea bermatu dezakeen figura-banaketarik ba ote dago? Eta gehienetan irabaztea bermatzen duenik?

4. Zenbatu jokatutako partida guztietan lortutako batuketak: maiztasun-taula bat eta barra-diagrama bat eraiki behar da. Lortutako emaitzen arabera, nola kokatuko zenituzke fitxak ahalik eta irabazteko aukera gehien izateko?

5. Posible litzateke fitxen kokapen egokiena aurkitzea, esperimentatu gabe? Baiezkoan, alderatu kalkulu teorikoa eta aurreko atalean lortu dituzun emaitzak.