-
Kurba
gorria parabola zati bat da. Zer eragiten dute abzisa ardatzean dauden
hiruki itxurako puntuek? Puntu horiek zehatz kokatzeko, zein mugitzea
komeni da lehenengo?
-
Non ibiliko da puntu horia? Zer erlazio dago puntu horiaren eta laranjaren artean?
-
Zer adierazten du zuzen horiak?
-
Orain, mugi ezazu puntu laranja.
Kurba gorria mugitu egingo da; hasierako parabolak (urdinak), ordea,
bere horretan jarraituko du, eta puntu zuri txiki bat agertuko da,
puntu laranja hasieran zegoen lekuan. Zer erlazio dago lerro etena
erabiliz marraztutako segmentuaren eta zuzen horiaren artean?
-
Puntu horia mugitzen badugu, zer
ez da aldatzen lerro etena erabiliz marraztutako segmentuan? Zer
esanahi du segmentu horrek? Zer erlazio dago marra gorriaren eta
urdinaren artean?
-
Bi kurbek, hau da, urdinak eta
gorriak, itxura bera al dute? Parabola urdina funtzio koadratiko baten
grafikoa da. Kurba gorria izan al daiteke funtzioren baten grafikoa?
Zergatik?
-
Kurba gorriaren itxura aldatu egiten dela uste duzu, bi kurben arteko distantzia aldatzen dugunean?
-
Alde berera egiten al dute bira bi kurbek?
-
Kurba urdinaren alde bietan jar al dezakezu kurba gorria, ala alde jakin bakarrean?
-
Mugi ezazu irristailua, eta aukera ezazu 2. funtzioa.
Zer erlazio dago zuzen gorriaren eta urdinaren artean? Itxura bera al
dute? Zuzen urdinaren alde bietan jar al dezakezu zuzen gorria, ala
alde bakarrean?
-
Zer funtzio motari dagokio grafiko urdina? Eta gorria?
-
Mugi ezazu irristailua eta, aukera ezazu 3. funtzioa. Zer erlazio dago zuzen gorriaren eta urdinaren artean? Itxura bera al dute? Alde berera egiten al dute bira?
-
Mugi ezazu irristailua, eta aukera ezazu 4. funtzioa. Zer erlazio dago kurba gorriaren eta urdinaren artean? Itxura bera al dute? Alde berera egiten al dute bira?
-
Zergatik ez da kasu honetan irudi
gorria jarraitua? Puntu horia mugitzen badugu, momentu batean, grafiko
urdineko puntu jakin batera heltzean, grafiko gorria eten egiten
da. Zer ezaugarri dauka grafiko urdineko puntu horrek? Puntu hori, Inflexio puntu deitzen da. Eman ezazu inflexio puntuaren definizioa, grafiko urdinaren jokabidea bakarrik kontuan hartuta.
-
Kurba urdinaren zuzen ukitzailearen kokapena aldatu egiten al da, inflexio puntuaren alde batetik bestera?
-
Kurba gorria izan al daiteke funtzioren baten grafikoa? Zergatik?
-
Mugi ezazu irristailua, eta aukera ezazu 5. funtzioa. Zer erlazio dago kurba gorriaren eta urdinaren artean? Itxura bera al dute? Alde berera egiten al dute bira?
-
Kurba gorria izan al daiteke funtzioren baten grafikoa?
-
Grafiko urdinean, ba al dago kurbadura-aldaketarik?
-
Grafiko urdinaren funtzioak ba al du inflexio-punturik?
-
Mugi ezazu irristailua, eta aukera ezazu 6. funtzioa. Zer erlazio dago kurba gorriaren eta urdinaren artean? Itxura bera al dute? Alde berera egiten al dute bira?
-
Kurba gorria izan al daiteke funtzioren baten grafikoa?
-
Grafiko urdinaren funtzioak ba al du inflexio punturik?
-
Mugi ezazu irristailua, eta aukera ezazu f(x) funtzioa definitzeke. Aztertu zer gertatuko den beste funtzio batzuekin. Nahikoa da Sarrera barran funtzioa idaztea. Horretarako, idatzi f(x)= , eta, ondoren, idatzi aztertu beharreko funtzioa; adibidez: f(x) = sqrt(x) (x-ren erro karratua), f(x) = x/(x+1) edo f(x) = abs(x) (x-ren balio absolutua).