Galderak
- Pixelak
berez oso txikiak direnez, pixel bakoitza 10 aldiz handitu dugu
zabaleran eta luzeran, hobeto ikus ditzazun. Kontuan izan laukitxo
bakoitzak pixel bakarra adierazten duela eta pixel bakoitzak kolore
bakarra daukala (laukitxo bakoitzak kolore bat baino gehiago izanez
gero, esan nahiko du barnean pixel gehiago dituela). Erreparatu, batez
ere, begiei eta ileari, kolore kontraste handieneko lekuak baitira.
Pantailako jatorrizko irudia 1 cm2 bada, zer neurri izango du handitutako irudiak?
- Demagun, orain, irudi horrek
inprimatutakoan zer azalera izango duen jakin nahi dugula Hori
jakiteko, kontuan izan beharko duzu inprimatutako puntuak zenbat
“estutu diren”, hau da, zer bereizmen
daukan inprimagailuak. Puntuak elkarrengandik zenbat eta hurbilago
egon, hainbat eta hobea izango da irudiaren kalitatea, eta txikiagoa
izango da tamaina. Jatorrizko irudiak 50 puntu ditu zabaleran, eta 1 cm
du pantailan. Hori horrela dela jakinik, zenbat puntu idatzi beharko
ditu inprimagailuak paperaren zentimetro bakoitzean, inprimatutako
irudia jatorrizkoaren neurri berekoa izan dadin? Hau da, 1 cm-koa izan
dadin? Bada, zentimetro bakoitzean inprimaturiko puntu kopuru hori da inprimagailuaren bereizmena.
- Ikusi dugunez, inprimagailuaren bereizmena ppcm-tan
neur daiteke (puntu zentimetroko). Eman dezagun 25 ppcm-ko bereizmenaz
konfiguratzen dugula inprimagailua; zer zabalera izango du irudiak? Eta
bereizmena 100 ppcm-koa bada?
- Idatz ezazu formula bat paperean inprimatutako irudiaren zabalera A(x) cm-tan adierazteko. Kontuan izan formula horren aldagaiak x (irudiaren zabalera adieraziko duen puntu kopurua) eta k (ppcm-tan neurtutako bereizmena) izango direla Hau da, x eta k jakinik, zer eragiketa egin behar dugu aldagai horien artean A(x) lortzeko?
- Erabili aplikazioa zure
formula frogatzeko, honako datu hauek kontuan hartuta: k=125 ppcm bada,
A(50)-ren balioak 0,4 cm izan behar du. Zenbat zentimetro du A(200)-k,
k=40 ppcm-ko bereizmena badu?
- Zoritxarrez, bereizmena
neurtzeko, ez du ia inork erabiltzen ppcm unitatea. Izan ere, luzeraren
oinarrizko unitatea aukeratzerakoan, ohikoagoa da hazbetea (inch
ingelesez) erabiltzea zentimetroa baino, ingelesa hedatuagoa dagoelako,
eta, ondorioz, dpi erabiltzen da, ppcm erabili ordez. Bestalde,
hazbeteari 2,54 cm dagokio, eta horrek esan nahi du 254 dpi 100 ppcm
direla. Azaldu arrazoia.
- Zenbat ppcm izango dira 127 dpi?
- Idatz ezazu formula bat paperean inprimatutako irudiaren zabalera A(x) hazbetetan adierazteko. Aldagaiak x (irudiaren zabalera adieraziko duen puntu kopurua) eta k (dpi-tan neurtutako bereizmena) izango dira. Hau da, x eta k jakinik, zer eragiketa egin behar dugu aldagai horiekin A(x) aurkitzeko?
- Erabili aplikazioa zure
formula frogatzeko, datu hauek kontuan hartuta: k=125 dpi bada,
A(50)-ren balioa 0,4 hazbete izan behar da. Zein izango da neurri hori
zentimetrotan?
|