Galderak
-
Egin klik
botoian, animazioa abian jartzeko. Erreparatu hegazkinen ibilbideei. Mugi
ezazu erdiko hegazkinaren ibilbidean dagoen puntua, eta aztertu aukera
desberdinak: bila ezazu gutxi gora behera zer ibilbide jarraitu beharko
duen, erdiko hegazkin horren eta alboko hegazkinen arteko distantzia
biak berdinak izan daitezen.
-
Egin klik
botoian, animazioa ibilbideko edozein puntutan geldiarazteko. Neur
itzazu hegazkinen arteko distantziak (puntu berdina aukeratu hiru
hegazkinetan; adibidez, muturra). Horretarako, erabili GeoGebrak
eskaintzen duen tresna egokia. Distantziak berdinak badira, marka ezazu
puntu batez, neurriak hartzeko erabili duzun erdiko hegazkineko puntua.
-
Jarri berriro
abian animazioa, eta geldiarazi beste puntu batean. Neurtu
berriro, eta distantziak berdinak badira, markatu puntua. Errepikatu
prozesu hau zenbait bider. Kontuan izan, puntu bat markatu eta gero eta
animazioa berriz abian jarri aurretik, Aukeratu eta Mugitu (Elige y Mueve)
tresna aukeratu behar duzula. Susmatu al duzu erdiko hegazkinak zer
ibilbide jarraitu beharko lukeen, distantzia horiek berdinak izateko?
-
Desaktibatu Hegazkinak ezkutatu
kontrol-laukia. Marraztuta ageri diren bi zuzenkiak, AB eta AC,
kanpoko aldeko hegazkinen ibilbideak adierazten dituzte. Azter dezagun
erditik joango den hegazkinaren ibilbidea. Aktibatu Koloreztatu (Colorear)
kontrol-laukia. Mugi ezazu D puntua, astiro, AB zuzenkitik AC
zuzenkiraino. Horrela, zuzenki bi horien arteko eskualdea koloreztatuko
duzu. Erreparatu marraztu duzun irudiaren zati argiagoari: argiagoa den zuzen
horretako puntuak bi zuzenkietatik distantzia berdinera daude. Bat ote dator susmatzen zenuenarekin?
-
Bi zuzenkietatik distantzia berdinera dagoen zuzen zuri hori BAC angeluaren erdikaria
dela esaten da. Beraz, erdiko hegazkinak jarraitu beharreko ibilbidea,
beste bi hegazkinen ibilbideen arteko angeluaren erdikaria izan behar
da. Marraz ezazu AB eta AC zuzenkien arteko angeluaren erdikaria,
GeoGebrak eskaintzen duen tresna erabilita. Behatu marraztutako zuzen
hori eta aurreko marra zuria bat datozela.
-
Zergatik uste duzu agertu direla zuzen bi, Erdikaria (Bisectriz) tresna erabili duzunean?
-
Erabili Borragoma, koloreztatutako eskualdea ezabatzeko, eta desaktibatu Koloreztatu (Colorear) tresna. Ezabatu markatu dituzun puntuak ere, Ezabatu Objektua (Elimina Objeto) tresna erabilita. Neurtu CAP eta PAB angeluak, GeoGebrak eskaintzen duen tresna egokia erabiliz. Zer ondorio atera dezakezu?
-
Alda itzazu A, B
eta C puntuen kokapena, eta neurtu, berriro, CAP eta PAB angeluak.
Errepikatu prozesu hori zenbait bider, eta aztertu lortutako emaitzak.
Zer esan dezakezu? Idatzi zer ondoriotara iritsi zaren.
|